قصيدة كل ما زرت گبرچ /مسموعة و مكتوبه
قصيدة كل ما زرت گبرچ
مسموعة و مكتوبه
للإستماع
V
كل ما زرت گبرک
كل مازرت گبرچ يايمه دموعي تهل
عنت عليّ شوفتج ياحبيبة الكــــــل
عليّه تعنين يا گرة العيـــــــــــــــــــن
من يوم رحتي موحش بعينى المنزل جيت علي گبرچ انتحب والدمع منثور
من رحتي يثريت نزلن تهدم السـور
مافاد ياوسفه دوه لضلعچ المكســــــــــــــــور
ظلت ييمه گلوبنا لفگادچ تفـــــــــــور
ظلينه ننعاچ ندور مانلگـــــــــــــــــاج
ياريت يمه يرد علينه الـــــــدور الأول
*********تغذّينه من عطفچ يالحبيبه وحنانــــچ
موحش علينه البيت يايمه ومكانــــچ
حسبي علي الظالم اجى للبيت هانـچ
كسر اضلوعچ ماعرف گدرچ وشانــچ
یحبیبه ظلموچ اوبالليل دفنــــــــــوچ
يم ضلع المكسر رحلتي والحزن ظل
********غابت انوارچ وانگطع يحبيبه رجواي
والحزن يمه من رحلتي ملازم ويــــاي
خالی النزل منچ صفه وظلمت دنيـــــاي
ونارالحزن تسعر يايمه دوم بحشـــــاي
حرگتنى نــــــــــــارچ و تفجعنـى دارچ
فگد الحبايب نار ماتطفى اوتچتل
آه يايمه
چانت حياتى مزهره يحبيبه وياچ
تشتعل بين ضلوعي ظلت نار فرگـــــــــاچ
ونيتي وشلعتي الگلب يالضايــــــــع دواچ
تالي سكنتي باللحد والتــــــــــــرب واراچ
ياحبيّبه رحتي لگلبي شلعتيــــــــــــــــــــــه
رحتي يشمعة بيتنه وتگشع الظــــــــــــــل
********دايم على بالي ياللحبيّبه تعنيــــــــــــــن
كل ساع اجى لگبرچ ورشه بدمعة العين
فراگچ نحل روحي یبعد عيونى الأثنـين
ماچانت ابالي ييمه هدمت البــــــــيـــن
ضلعچ وكسره خلالي حســــــــــــــــــــره
وعليچ ما تطفي جمرتى وحزنى مايفيـــد
*********عنت عليّه شوفتچ ياحبيبة الـــــــروح
يحگلي على فراگچ ابد ما ابطل النـوح
مصابچ ینور العين خله بگلبي جـروح
ليلي ونهاري مانشف دمعي المسـفوح
من كثر وجدى مبروده چبــــــــــــــــدي
كافي حزن وفراگ يُمه ما اگدر احمــــــل
كل مازرت گبرچ يايمه دموعي تهل
المشاركات
تعليقان على قصيدة كل ما زرت گبرچ /مسموعة و مكتوبه
والله روعة الروعه سلام الله على ام ابيها
السلام ع أم ابيها فاطمة الزهراء ع
إرسال تعليق
مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ