للمساهمة في اللطميات المكتوبة والمسموعة راسلونا على الايميل التالي alathmarr@googlemail.com

الأحد، 8 يناير، 2012

كلام الناس يجرحني مكتوبة ومسموعة


قصيدة

كلام الناس يجرحني

مكتوبة ومسموعة

للأستماع والتحميل


كلام الناس يجرحني كلام الناس
كلام الناس يجرحني كلام الناس

تگول حسين ما يرجع ولا عباس
يزينب وين أخوچ حسين
أجت أم البنين بنار حسرتها


وزينب ناصبة المأتم على أخوتها

گبل ما سلمت يايمة نادتها
أوتچ وين وين حسين سألتها
تگلها حسين راح وتجري دمعتها
صاحت والحجر ناح لمصيبتها
على الاحباب أجيت أسأل على الاحباب
أدگ يا باب لو راحوا أدگ يا باب

أجيبة منين أخوچ حسين
كلام الناس يجرحني كلام الناس
تگول حسين مايرجع ولا عباس

يزينب وين أخوچ حسين
أجت تسأل أجت مهضومة منكسرة
تجاوبها العقيلة وبالگلب جمرة
أخافاً قصروا ويلادي يالحرة
تگلها لا ييمة ودمعة الزهرة
أخبرچ ليش أبو اليمة أنكسر ظهره
لان شاف الگمر لا يمنة لا يسرة
یگله أشلون تتركني یگله أشلون
أظل بلا أخو بعدك يليث الكون
نظر چفين أخوچ حسين
كلام الناس يجرحني كلام الناس

تگول حسين ما يرجع ولا عباس

يزينب وين أخوچ حسين
تگلها ودعتچ بس عدهم الخوة
دفعوا للحسين نحورهم فدوة

أبو فاضل ييمة بكربله شسوة
رغم سبعين الف طب للنهر گوه
گبل چبدی الطفل هيهات يتروة
ييمة بعد أخوتي الدنيا ما تسوة
ييمة الراح شيردة ييمة الراح

تظل أخر حياتي بس دمع ونياح

تريد العين أخوچ حسين
كلام الناس يجرحني كلام الناس
تگول حسين ما يرجع ولا عباس
يزينب وين أخوچ حسين
ييمة حسين وحدة واني متحيره
ألامن ناصر ينده أبو العتره
أشوف الناس ضدة ومحد ينصره
بالمثلث رموه وطاح من مهرة
كنت يمة وأشوف الي گطع نحره
شفت خيل العدة تسحگ على صدره
عسنها الخيل سحقتني عسنها الخيل

ولاشامت يشاهدني ودموعي تسيل

بلا يا معين أخوك حسين
كلام الناس يجرحني كلام الناس
تگول حسين ا يرجع ولا عباس

يزينب وين أخوج حسين
أني أم البنين ومن يساعدني

أريده وياي یبچی ويلطم على أبني
گبل يوم المشيب حسين شيبني
تره سهم العطش بحشاي صوبني 

أنا لحظة بغيابه ماغمض جفني

وأحس السيف گبل حسين ذابحني
على المذبوح واسيني على المذبوح

تنادي وياي يحسين الگلب مجروح
ولا ناسين أخوچ حسين
كلام الناس يجرحني كلام الناس 

تگول حسين مايرجع ولا عباس
يزينب وين أخوج حسين


أنا أم الوفه وأم الگمر أني
ولا أعوف الذي بحسين واساني
أذا تسأل عليه تريد عنواني
تلگانی بضريح حسين تلگانی
أنا لويم الگمر وأتذكر أحزاني
عفت گبري وسكنت گبور ولياني
أجيب الماي وأرويهم أجيب الماي
تجي الزوار للحظرة وتنوح وياي
جرح جرحين أخوچ حسین
كلام الناس يجرحني كلام الناس
تگول حسين ما يرجع ولا عباس
يزينب وين أخوچ حسين


5 تعليق على كلام الناس يجرحني مكتوبة ومسموعة

قصائدـــــــ روعه ـــــــــــــ ملا باسم ــــــــــ الكربلائي ـــــــــ شكرا ـــــــــ على القصائد ــــــــــ الجميله الله ـــ الله ــ الله ــــ عليكـــــــــــــــك ياملا باســـــــــــــــم ـــــــــــــــــــــــــــــــــــــــــــــ الكربلائـــــــــــــــــــــــــــــــــــــــــــــــــــــــي

السلام عليكم قصيده رووووعـــــــــــه ممكن اريد قصيدة يمه اذكريني تحياتي الى ابن عمي باسم الكربلائي احبـــــــــــــــــــــــــــك ملا باسم الكربلائي ارجوالجواب الان وشكرا لكم

انا لا اعرف ملا باسم منو هو وهابي

لا ياحبيبي الغالي ملا باسم تاج على روس خاف انته الوهاب بعد مره ثانيه اكتب عدل سمعت لو لالالا الوهابي خاف انت

انا مو وهابي خاف انت الوهابي انا اكتب عدل حقير انت الوهابي باسم وهابي سمعت وبعد لاتحكي هاااااااااااااااااا الوهابي انت انا عراقي

إرسال تعليق

مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ

تابع كل جديد برسالة الكترونيه لـ إيميلك فورا

أرشيف المدونة

بحث في هذهِ المدونة

جارٍ التحميل...