فزاعيه لخدام الحسين
( فزاعيه لخدام الحسين )
مكتوبة
ياجموع الزائرين حيّوا خدام الحسين
خدمته هيّه الشرف خادمه بيهه انعرف
حيّوا خدام الحسين حيوا خدام الحسين
************
الينصب الموكب ويبذل هالجهد بخدمته يوم القيامه ينسعد
والف هنياله اليجد ويجتهد
مساهر بليل ونهار خدمته عنده شعار
رضى الرحمن الهدف خادمه بيهه انعرف
حيّوا خدام الحسين حيوا خدام الحسين
*************
لولا هالخدمه الزياره اصعب ظرف واليجي مشاي بيهه يعترف
يشوف آلآم وتعب ما ينوصف
بالمواكب أرتياح بالأياب وبالرواح
بحر جوده ما نشف خادمه بيهه انعرف
حيّوا خدام الحسين حيوا خدام الحسين
*************
يفدي روحه لليجي يم موكبه يقدم الخدمه الجليله مطلبه
تنطلق من عنده كلمة مرحبه
يرحب بهاي الجموع امن الفرح يذرف دموع
ناظره بيهه اعترف خادمه بيهه انعرف
حيّوا خدام الحسين حيوا خدام الحسين
*************
يطلّگ الدنيه بشراء الآخره يكتفي بخدمة بني خير الورى
شجرة من نور الوديعه ومثمرة
نسل حيدر والبتول وجدهم الهادي الرسول
بالكرامات انوصف خادمه بيهه انعرف
حيّوا خدام الحسين حيوا خدام الحسين
**************
فتحوا ابيوت بهدايه وبيقين ترحب بزوار مقطوع الوتين
هالعقيده شما تمر بينه سنين
تبقة خفاقه وتزيد وتلعن البايع يزيد
فاز دارينه الهتف خادمه بيهه انعرف
حيّوا خدام الحسين حيوا خدام الحسين
*************
شاعر ورادود زنجيل ودمع وهذا اليحاظر ويمه اليستَمع
وذاك بايده بحنّة القاسم شمع
يبچي من هول المصاب منه يعله الأنتحاب
منهجه الواضح عرف خادمه بيهه انعرف
حيّوا خدام الحسين حيوا خدام الحسين
*************
خادم أهل البيـــت (ع)
قاسم حسين المندلاوي
المشاركات
9 تعليق على فزاعيه لخدام الحسين
فصيده روعه اتمنى اقراء قصائد عن السيده رقيه بنت الامام الحسين ع
فصيده روعه اتمنى اقراء قصائد عن السيده رقيه بنت الامام الحسين ع
قصائد روعه
قصائد روعه
أحسنت بس ياريت الحن مالته
عندي قصيدة اني الكاتبهة مثل طور القصيدة المعروفة
(زينب صاحت العباس ......كوم الحك يابو الغيرة )
الشطر الاول هالشكل
زينب محد ايذلها ......... هيه الذلت ابن ازياد
اريد هاي القصيد
اريد هاي القصيد
ممكن هاي القصيده
إرسال تعليق
مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ