للمساهمة في اللطميات المكتوبة والمسموعة راسلونا على الايميل التالي alathmarr@googlemail.com

الأحد، 1 يناير 2012

انت تقرأ .. » الرئيسية » » خويه عباس / مسموعة ومكتوبة

خويه عباس / مسموعة ومكتوبة

الأحد, يناير 01, 2012  Unknown  [0 التعليقات]



خويه عباس

للأستماع

V

زينب على التل

زينب على التل اوگفت وتنادي خويه عباس

وگفت علتل بنت الزهره    شبجت فوگ الراس العشره

محتاره تصد يمنه ويسره      وتنادي بلوعات وحسره

وينك يتربات الإبه 2    . راعي الشرف والنوماس

زينب على التل اوگفت

وتنادي خويه عباس

وينك گوم وشاهد حالي     لاخيمه إاضلت لا والي

وهاي اطفالك تبچي اگبالي    ياخويه شيحمل دلالي

صرخات اطفالك ذباحه  2   . تهيج جروحي تشيب الراس

زينب على التل اوگفت

وتنادي خويه عباس

وحده تصد لصوب المصرع    وحده تنادي يا عمي إرجع

وحده طُب للخيمه وتطلع       وحده تلوذ تسد الرّضع

يا خويه اطفالك مرعوبه  2   . طاحت ما بين الأرجاس

زينب على التل اوگفت

وتنادي خويه عباس

يا خويه إتولتنه العسكر        نيران إخيامك تتوجر

وحتاريت بامر الخدّر         من بعد اغيابك يمشكر

زينب يلمكفول بعزه  2       . صارت فِرجه بين الناس

زينب على التل اوگفت

وتنادي خويه عباس

يا خويه اخلافك هضموني      اركض بالخيل إيلحگوني

أوگف بالصوط إيضربوني     اگعد يا خويه إيشتموني

شوف إحدود إختك داسوه  2 .  ترضى إحدود إختك تند ا س

زينب على التل اوگفت

وتنادي خويه عباس

يا عمه انت الكافلني        عهدك بالطف إتدللني     

متخلي العسكر توصلي         يا بو الغيره إتخيب ظني                                            

ما ظن يا خويه إتخيبني 2    .  وأدري بدلالك حساس       

زينب على التل اوگفت

وتنادي خويه عباس

أدري مگطوعه إچفوفک      أدری بسهم مصوب شوفک

لاچن أطفالك متعوفك             يا عباس تريد إتشوفك

يا خويه إتغير حالي 2      . سيفك وينه وين الفاس

زينب على التل اوگفت

وتنادي خويه عباس

سيفك وينه وجودك وينه       موعهدك ترجع تزگینه

يا خويه إبحيره تخلينه       چلناس ووعدك لسكينه

شنطيه إجواب إلهلطفه  2           . لو صاحت وينه العباس

زينب على التل اوگفت

وتنادي خويه عباس

شنطيه إجواب وشتعذر       لو صاحت شو عمي تأخر

يا عمه  إلدلالي إتفطر            شصبر هالطفه بهلحر 

ما ينقاس إصواب البيه  2          .  يا بو الشِمه ما ينقاس

رد  خويه وشاهد حالتنه          شوف العدوان إتولتنه

يا ذلتنه ويا محنتنه             نبچي ويبسم شامتنه

يالحارس خدر إختك تدري 2       .  عدوانك صارت حراس

زينب على التل اوگفت

وتنادي خويه عباس

ترضى العدوان إتباريني      وعدك للشام إتوديني

لا طالت خويه سنيني         خليني إبكترك خليني

أجرع كأس الموت إبفگدك  2      . يحلالي  إبفگدك هلكأس

زينب على التل اوگفت

وتنادي خويه عباس

 

هیثم سعودی الکربلائی

 
هل اعجبك هذا الموضوع ؟

التصنيف :

إرسال تعليق

مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ

تابع كل جديد برسالة الكترونيه لـ إيميلك فورا

أرشيف المدونة